江嘉敏就快29+1還「飯局債」 約何廣沛打羽毛球鬆一鬆無綫小花江嘉敏下月踏入30歲，剛剛忙於無綫劇集《金式森林》拍攝的她，近日不斷還「飯局債」，她於社交平台上載跟好友吃海鮮大餐的相片，又留言：「還有1個月就29+1，這麼重要的日子，相識差不多20年的好朋友特意由台灣回香港，一起提早慶祝我們的30。」她接受東網訪問時說：「之前因為拍劇，應承咗好多朋友會約番佢哋食飯，依家終於有時間食人哋嘅生日飯，食食吓又到食我嘅生日飯，同埋呢排都有約啲同事打羽毛球，要keep住減肥呀！」而她的「波友」就有《金》劇拍檔何廣沛及周志康等，個個都幾打得。問到為何不趁有時間去趟旅行時，她說：「其實我都想去，但呢個世間有時就係咁邪，有好幾次買咗機票，就突然有JOB或者要拍嘢，無奈要將行程及機票取消，所以依家《金式森林》煞科冇幾耐，我都一直唔敢買機票住。遲吓先啦！抖多一排先去都得，反正都未入劇住，不過有劇拍我都開心嘅。」擦大餐。開心！江嘉敏相當好動。何廣沛新劇煞科放鬆一番。江嘉敏打到頭耷耷。江嘉敏短裙仔上陣。江嘉敏有姿勢。一班人打羽毛球最開心。江嘉敏#何廣沛#
江嘉敏就快29+1還「飯局債」 約何廣沛打羽毛球鬆一鬆
