冼靖峰新歌獲方皓玟操刀 校園拍MV感觸良多歌手冼靖峰（Archie）推出新歌《勇氣》，獲緋聞女友方皓玟操刀作曲及填詞，將他埋藏心底的感受以旋律及文字呈現出來，他說：「之前喺節目認識小明（方皓玟），有次傾偈佢話手上有一首歌好適合我，呢首歌可說話係為我度身訂造，寫出我由參加比賽到成為歌手嘅心路歷程，實在好榮幸！」冼靖峰新歌獲緋聞女友方皓玟操刀。笑言對方表示呢首歌是為他度身訂造。Archie認為新歌會引起大家共鳴。對於「勇氣」，Archie有一番見解：「到底如何實踐勇氣，如何得到勇氣，維持勇氣去面對種種挑戰，相信大家都會好有共鳴。其實不只低潮時要有勇氣面對，在順遂時亦需要勇氣去解決問題。」談到錄音過程，他則表示：「監製覺得首歌好有意思，所以都不想我用太多技巧，佢想我將每個字跟住旋律讀出，好似講故事咁，然後感情與技巧就會自然流露出嚟。」《勇氣》MV取景於學校，令他感觸良多，勾起不少求學時的回憶。他更找來兩位摯友，二人都見證住他的成長：「其中一位鼓勵我要立定志向，專注做一件事先會有機會成功，係佢令我辭退原本銀行嘅工作，毅然追夢成為歌手，好開心有一位朋友見證自己嘅高低起跌。」MV取景於學校，他還找來兩位摯友。感激好友一直陪伴及鼓勵自己。毅然追夢成為歌手。冼靖峰
冼靖峰新歌獲方皓玟操刀 校園拍MV感觸良多
