陳松伶與老公張鐸出席活動　否認專注內地發展︰想返嚟拍劇

陳松伶與老公張鐸出席活動　否認專注內地發展︰想返嚟拍劇陳松伶（松松）和老公張鐸今日（2/11）齊齊現身荃灣出席好友黃淑儀（Gigi姐）《烹飪Gi本法》新書發佈會。松松接受《香港01》訪問時表示：「我同老公都係啱啱喺內地趕落嚟，一陣完咗之後，我同佢又要趕返上去，本身佢喺內地工作已經舟車勞頓，要穿州過省，咁所以你會見到佢頸後係做過刮痧嘅痕。（咁兩公婆咪搵好多！）咁又唔係，都係得個做字。」陳松伶和老公張鐸今日齊齊現身出席好友黃淑儀《烹飪Gi本法》新書發佈會。（梁碧玲攝）被問到松松如何貼身照顧？張鐸笑言：「她平時在各方面都照顧周到，不論穿衣服，吃東西，同時也給我很多好的意見。（100分滿分，俾幾多分太太？）應該就是百分之上。」松松甜笑說：「真係識講嘢。（想唔想返嚟拍劇？）其實自己都想返嚟拍劇，但無綫冇搵過我。（好多人以為你專注內地發展！）其實又唔係，只要有劇拍就返嚟，唔理咩劇種我都想拍。（做兒童節目？）都好呀，其實我都好掛住。」陳松伶和老公張鐸今日齊齊現身出席好友黃淑儀《烹飪Gi本法》新書發佈會。（梁碧玲攝）陈松伶