金剛恨返無綫拍劇 但淆底唔敢開口問曾志偉：係啱嘅佢哋就會搵我

金剛恨返無綫拍劇 但淆底唔敢開口問曾志偉：係啱嘅佢哋就會搵我金剛今晚（8/11）現身電視城出席無綫綜藝節目《獎門人台慶感謝祭》錄影。金剛受訪時表示：「對上一次返嚟嘅時候，獎門人話最後一次之後會唔做，又係佢自己講話唔做，又唔係我講，今次跟住佢又話要做，我又要飛返嚟囉。（想唔想返嚟無綫拍劇？）通常如果無綫有搵我嘅話，我係冇問題㗎。之但係根本冇人搵我嘛，哈哈。（今次返嚟亮相節目有冇酬金？）都有餐飯食，同埋有車搭嘅，不過我覺得呢啲就唔係講錢嘅，而我覺得係一種情意結，始終《獎門人》對我嚟講係一位恩師嚟，咁所以佢一叫到，我點都會嚟。（會唔會借機埋身問志偉搲撈？）呢啲嘢我係好少咁做，我覺得係啱嘅，佢哋就會搵我，就好似《獎門人》啱我咪返嚟囉，不過一陣試吓攬吓佢大髀問吓有冇嘢俾我做先。」金剛今晚出席《獎門人台慶感謝祭》節目錄影。（吳子生攝）金剛透露有心意對象，雙方仍了解當中。（吳子生攝）金刚