炎明熹冇Job頻update 新Look似足《這個殺手不太冷》「樂壇小天后」炎明熹（Gigi）自合約問題後遭無綫雪藏，雖然幕前工作近乎停擺，但她依然忙個不停，除了要應付學業和照顧家中愛貓外，更不時透過社交網跟粉互動。Gigi昨日於社交網晒相，並逐一解讀當中含意，她寫道：「第一張，同大海合照，表示開心袋好彩佢冇發嬲，如果唔係冚熄我啲火，嗚嗚嗚；第二張，同大海傾緊生意，扮正經；第三張，扮有Mood，同大海談情說愛中…；第四張，紅掌女士的背影（不是名畫）。」Gigi發放了多張照，穿上灰色背心外套、頭戴Cap帽的她，以大海作背景玩自拍，見她表情多多看來心情不俗，似乎未受合約問題影響。而她一身打扮，即被眼利網友笑稱似足周星馳的《回魂夜》造型，又有《這個殺手不太冷》的影子。粉絲們則紛紛留言表示掛念，有粉絲留言：「這女人終於肯po了」、「超级精彩嘅解讀」、「全部都好有gf feel」、「解讀完畢靜候新歌降臨」、「見到你就開心，就算幾大浪都唔會冚熄啲火，我哋永遠支持你」。炎明熹依家成日都update。今次佢就晒扮正經相。佢呢個拎盆栽背影，被指似《這個殺手不太冷》。係有幾分似。炎明熹
炎明熹冇Job頻update 新Look似足《這個殺手不太冷》
