陳曉華有歌手夢 朱敏瀚唔抗拒拍住上搵銀港姐出身的陳曉華將穿回當年參賽時的旗袍，亮相明晚（18日）台慶盛會，她感慨表示已事隔6年：「好彩都仲着得落，不過差啲拉唔到拉鏈嘞！（有冇勾番起參選時嘅回憶？）已經唔記得晒，實在太耐嘞，不過當年選完港姐後，我就走咗去選華姐，兩樣嘢選完有啲混淆咗。（華姐之後就冇再辦喎。）所以我仲未卸任，我好幸運咁做足5年，希望下年復辦啦。」談到緋聞男友朱敏瀚（朱仔）將於台慶表演功夫及跳舞，她笑言：「我唔知喎，佢咁犀利？（你對佢嘅演出有冇期望？）我對聽晚所有項目都好期待，以及非常支持，其實每年台慶我都想參加啲特別嘅項目，想作出新穎嘅突破，聽晚現場睇佢表演囉。」至於她與劇集拍檔羅天宇於社交平台上載合唱片段，引起網民熱話，陳曉華開心表示：「我哋連拍片嘅時候都喺度鬧緊交，對於點拍、幾時上載等等嘅問題都嘈得好犀利，首歌我哋錄咗半日咋，希望下次可以現場唱畀大家聽。」陳曉華坦言自己有歌手夢：「咁都要有機會實戰先至得，先會有進步。（網民話你同羅天宇唱到好似真情侶一樣。）千祈唔好呀。（你驚有人呷醋？）羅天宇太多朋友仔（指緋聞女友）嘞，我唔想再做埋佢其中一個。（佢係女神收割機。）我唔知呀，不過同佢合作好好，佢成日揸唔到主意，所以我可以話事。（咁朱敏瀚係咪畀你話事？）唔知，嚟緊我要宣傳《異空感應》呀！」陳曉華自爆有個歌手夢。 陳曉華覺得有實戰先會有進步。丁子朗（丁丁）與朱敏瀚亦有現身為台慶綵排，二人透露將表演跳舞加打功夫，朱仔笑言：「我係咁多年正式首次喺台慶跳舞，呢方面其實我唔係好得，不過應承咗就盡量做到最好。（搵女友幫你練吓？）我搵咗丁丁幫我囉。（陳曉華呢？）佢打功夫同跳舞我都未見過。打功夫我OK嘅，因為之前都拍過兩套古裝。」朱仔形容自己跳舞「上下身唔協調」：「舞步方面我有待磨練，自己同丁丁同一日開始排舞，佢就進步得好快。」丁丁即接口：「其實上一次耍功夫，已經係2016年選香港先生嘅時候，當時耍刀整親隻手，相隔8年再喺台上表演真係有啲驚。（咁你跳舞一定得啦。）我會同LOONG 9幾位好兄弟，包括冼靖峰及黃奕斌等，幫福祿壽伴舞，真係好榮幸，大家可以狠狠地期待，哈哈！」至於日前節目巡禮活動中，朱仔與陳曉華左閃右避沒有合照，事後陳曉華卻表示十分期待與朱仔於工作上合作，朱仔今日回應：「冇避，當日大家各自有嘢要做啫，對於同任何人合作，我絕對唔抗拒，搵外快就最好啦。（同佢就特別期待？）只要有外快，我都好期待。」而丁丁與緋聞女友郭柏柏妍今次被安排分開表演，他說：「我冇留意喎。（會唔會互相交流吓？）吓？我打功夫喎。」丁子朗（左）與朱敏瀚現身綵排。朱敏瀚唔抗拒同陳曉華合作。丁子朗相隔8年再喺台上表演耍功夫真係有啲驚。丁子朗（右2）會同LOONG 9幾位好兄弟一齊表演。陈晓华朱敏瀚
陳曉華有歌手夢 朱敏瀚唔抗拒拍住上搵銀
