陳自瑤晒長腿攞20年服務獎:成熟咗好多藝人陳自瑤(YoYo)、胡蓓蔚、安德尊及林敬剛等一眾藝員今日(26日)齊集將軍澳電視城,出席無綫「長期服務暨傑出員工榮譽大獎頒獎典禮2024」。獲頒20年服務獎的YoYo特意扮到靚靚亮相,表示要尊重公司和頒獎禮,坦言未想過時間過得這麼快,一轉眼已20年,笑指自己8歲入行,現時才28歲,她説:「呢20年係我最美好嘅時光,獻咗畀公司。」她又笑指自己初入行時「傻更更」,感謝公司這段日子的栽培:「拍咗好多劇、試咗唔同角色,磨練演技,學識待人處事,成熟咗好多。」問到會如何慶祝?她表示未有特意跟女兒透露獲獎,提到她早前叫老公王浩信回港後要多點陪女兒,她說:「佢呢排又成日陪個女。(佢幾時走?)呢樣你要問返佢。」獲頒20年服務獎的YoYo扮到靚靚亮相。YoYo感謝公司栽培。YoYo透露老公王浩信最近經常陪女兒。同樣獲頒20年服務獎的胡蓓蔚,笑指不時會見到其他人獲服務獎,今天終於輪到自己,自嘲年紀大,對工作也沒有特別要求:「隨心,做自己鍾意做嘅事,唱歌、主持、拍劇,有乜做乜。」問到老公單立文如何跟她慶祝?她指不會特別慶祝,但透露老公早前帶她到歐洲深度遊,體驗當地人生活。胡蓓蔚同樣獲頒20年服務獎。陈自瑶
陳自瑤晒長腿攞20年服務獎:成熟咗好多
