蕭正楠黃翠如夫妻同心網上拉票 馬國明力撐早已係心目中視帝下個月19號就係《萬千星輝頒獎典禮2024》嘅大日子，日前TVB召開記者會公布各獎項入圍名單，並開始接受投票，至2025年1月12日深夜12時截止，喺呢段時間有份入圍嘅演員都熱切期待。除咗萬眾期待嘅男女主角之外，男女配角係重點之一，早前宣布有喜嘅 Edwin Siu 蕭正楠 同 黃翠如 Priscilla Wong 兩公婆，今年分別憑《巾幗梟雄之懸崖》、《神耆小子》及《黑色月光》，入圍最佳男配角及最佳女配角，有份入圍最佳男女主持，如果雙雙獲獎真係喜上加喜。翠如同阿蕭喺社交平台互相拉票，翠如拎住《巾幗》嘅Post card，驟眼睇仲以為係BB超聲波照片，而阿蕭展示翠如喺《黑色月光》造型照，一齊擺出唔同表情影相，夫妻同心互相拉票。蕭師奶翠如就留言：「拉拉拉票日，阿蕭，加油﹗脆薯，加油，復仇二人組。」並Tag上《巾幗梟雄之懸崖》、《黑色月光》、《神耆小子》三套作品。瞬間引嚟眾多好友鼓勵，馬國明力撐對方早已係心目中嘅視帝，2個都應該攞獎。楊茜堯亦留言加油。鄭衍峰（Leonard）就話all in 投ed 蕭氏伉儷。大量粉絲湧入留言話希望見到夫妻檔一齊獲獎，期待1+1=3上台攞獎。萧正楠黄翠如kennethma马国明
蕭正楠黃翠如夫妻同心網上拉票 馬國明力撐早已係心目中視帝
