黎耀祥強勢爭視帝 平常心：我好佛系無綫《萬千星輝頒獎典禮2024》將於明年1月19日舉行，黎耀祥（祥仔）憑《巾幗梟雄之懸崖》再度成為最佳男主角的大熱人選。今日他現身工展會，為品牌擔任一日限定店長，吸引不少顧客幫襯，大批市民圍觀集郵，力撐他四封視帝，向來親民的祥仔，被邀自拍合照、簽名都來者不拒，任影唔嬲，成功為店鋪招財。他表示：「我都好鍾意做呢類型活動，可能《巾幗》播完唔係好耐 ，大家見到會特別親切，我介紹吓產品，佢哋又幫襯吓、講下睇劇⋯⋯我都把握機會代表《巾幗梟雄之懸崖》拉下票！」黎耀祥人氣高企。對於視帝寶座，祥仔笑言會以平常心面對：「講真一直對獎項都好佛系，觀眾對三個角色「柴九」、「劉醒」、「大太監」李連英都好鍾意，仲要有獎項去認可，已經破晒自己嘅紀錄，非常滿足。」今日看到街坊為自己打氣時，覺得有份落場參加比賽，必須要有體育精神，都努力呼籲大家去投票支持，始終每個獎項都是對台前幕後努力過的人的一種肯定和鼓勵。相當受歡迎。親筆簽名。黎耀祥
黎耀祥強勢爭視帝 平常心：我好佛系
