單立文不滿TVB舊餐廳食物質素：咬完之後都唔知係咩肉

單立文不滿TVB舊餐廳食物質素：咬完之後都唔知係咩肉單立文（豹哥）昨日出席《愛．回家之開心速遞》「迎冬至 賀聖誕」活動，並在台上分享有一段時間沒有進劇組進行拍攝。豹哥接受《香港01》 訪問表示：「其實我告假一個月都唔夠，我去咗巴黎同老婆共渡生日。」被問到巴黎旅程的難忘史，他說：「我覺得我係巴黎行嘅路等於我一個月喺香港，每一日都係行三個鐘頭以上，都係好enjoy，巴黎係好靚嘅City。」講到有否送贈生日禮物給老婆，他說：「老婆係自己買，但係就係我埋單。」提到禮物是否送名牌手袋，他表示：「呢啲係情感嘅一部份。」他透露老婆最近回到上海陪屋企人。單立文（豹哥）今日出席《愛．回家之開心速遞》「迎冬至 賀聖誕」活動。（葉志明攝）被問到TVB餐廳換了新老闆，是否已經嘗試新菜式，他說：「已經換咗馬老闆，小菜非常好食，有炸子雞同埋燒味。」講到在台上分享渡過了黑暗時期暗示TVB舊餐廳「食物質素」，他坦言：「你睇成個餐牌都係差唔多，我記得有一排每樣汁都係一樣味，每樣餸都係同一道味，如果擺入口咬完之後都唔知係咩肉。啲肉就會令你覺得究竟係家禽定係飛禽係咩呢？估唔到？」豹哥到在台上分享渡過了黑暗時期暗示TVB舊餐廳「食物質素」。（葉志明攝）豹哥透露較早前向劇組告假，陪伴老婆去巴黎過生日。（葉志明攝）单立文