張曦雯蔡潔躋身視后10強　互笠高帽投對方一票

張曦雯蔡潔躋身視后10強　互笠高帽投對方一票藝人張曦雯與蔡潔今日（20日）於電視廣播城，出席《萬千星輝頒獎典禮》獎項10強名單記者會，張曦雯與蔡潔受訪時互笠高帽，表示會投對方一票，張曦雯謂：「信心一定要有，依家啱啱知道入咗10強後票數全部歸零，要重新拉票，今次我係憑《企業強人》入圍，5年前都憑呢個系列劇集奪得《飛躍進步女藝員》獎，所以我都想《企》劇可以攞最佳劇集，我對自己都有信心。」張曦雯（右）及蔡潔（左2）躋身視后10強。之前蔡潔辭演了王晶的電影，更被對方拋下一句：「蔡潔有幾大呀？」蔡潔受訪時坦言：「佢冇講錯，蔡潔有幾大呀！同王晶合作嘅粒粒都係巨星，我真係小朋友，所以佢咁講係好恰當嘅。我係因為檔期問題辭演，好多謝晶哥每次開戲都搵我哋TVB嘅藝人演，今次合作唔到都希望下次有機會，我都覺得好可惜。」此外，姚子羚今次以《反黑英雄》角逐視后獎項，而之前羅子溢曾將對方手提電話弄跌落地，事後表示如果自己順利奪得視帝獎項就會送一部新的給她，子溢笑謂：「我欠好多人嘢，之前我都應承胡定欣，如果我攞視帝就會送嘢畀佢！」有份入圍視帝的張振朗即識做即場拉票。子溢又繼續賣口乖，指自己手上的3票分別會投給太太楊茜堯、《婚後事》拍檔陳自瑤及自己。2人互笠高帽。會投對方一票。姚子羚以《反黑英雄》角逐視后獎項。張曦雯Kelly蔡洁