姚焯菲有人追送「豬」得啖笑 鍾柔美詹天文嫌男生冇膽同是18歲的姚焯菲、鍾柔美及詹天文現時事業起飛，愛情路上卻交白卷，惟有趁浪漫的聖誕節圍爐取暖，大講男仔經！她們大呻同齡異性被動，只敢暗戀，姚焯菲更自爆最難忘有次聖誕節送錯「豬」，相當掃興。鍾柔美（左起）、姚焯菲與詹天文享受單身，唔急拍拖。3人在娛樂圈大展拳腳。剛自新西蘭學成歸來的「聲夢」歌手姚焯菲（Chantel），難得跟鍾柔美（Yumi）、詹天文（Windy）、張馳豪、冼靖峰及林智樂一起迎聖誕，所謂「3個女仔1個墟」，加上3個好動男，簡直嘈到爆！問到3位男生是否符合理想擇偶條件？Yumi離遠看一看3子，思索一番後說：「要睇感覺。」Chantel則大笑：「唔好啦！我覺得順其自然囉，有冇（拍拖）都冇所謂，依家一個人都滿足，反而擔心冇咗嗰個人（指失戀）會更唔開心。」Windy則說：「可能有個Standard，但拍拖嗰個可能又唔係心中嗰個Standard。」Yumi補充指她們不心急拍拖，一切要睇緣分：「有啲人話愈想拍就愈冇得拍！」3女各展美態。姚焯菲將全力發展演藝事業。問到可有異性趁聖誕表白？她們異口同聲表示沒有，Chantel直指現時的男生太怕醜又驚瘀：「佢哋可能會隔咗幾年先同你講之前鍾意過你，我覺得要睇人，但大部分都係唔夠膽講。（你鍾意人都唔會講？）唔會，驚畀人拒絕。」曾自爆在新西蘭有外籍追求者的她，表示已是過去：「佢可能對我有好感，但我冇畀機會佢，覺得讀書為先，唔好搞咁多嘢。」Chantel覺得現時的男生太怕醜又驚瘀。Chantel對感情事順其自然。至於談到最難忘的聖誕，Chantel記得曾送出Peppa Pig公仔給好友，但對方大表無奈，她說：「我哋細個好鍾意粉紅色嗰隻卡通豬，但送嗰陣佢都10幾歲，覺得唔實用，我就覺得幾搞笑，下次要諗清楚先買禮物。」Yumi表示與男同學交換禮物時，收過「男孩恩物」玩具手槍，對方則換到「女生必備」的手霜，同樣得物無所用。Windy則指兒時到哈爾濱玩雪，玩到忘形跟媽咪失散，結果驚動工作人員，她扁嘴說：「媽咪要開廣播搵我，成個樂園都知我叫詹天文。」鍾柔美擇偶條件是睇感覺。鍾柔美獨當一面。鍾柔美前途無可限量。進軍內地市場快將踏入2025年，將全力發展演藝事業的Chantel，留港9個月期間要拍劇及望開處女個唱外，還會跟隨炎明熹的腳步開拓內地市場，她說：「會去佛山出席倒數活動，係人生第一次喺內地過，可以同粉絲過年好開心，父母都會陪我去。」據知明年1月她將亮相內地綜藝節目《聲生不息．大灣區季》。而Yumi和Windy雙雙表示明年的目標是舉行個唱，故現時要努力儲歌及累積經驗。提到Windy曾為另一內地綜藝《下一戰歌手》試音，她說：「佢哋話我冇個人風格，冇揀我，我都知自己有呢個缺點，所以冇特別失望。」詹天文不心急拍拖。詹天文一切睇緣分。詹天文明年目標是舉行個唱。張馳豪最緊要「溝」得掂 冼靖峰爆林智樂A0「聲夢3子」冼靖峰（Archie）、張馳豪（Aska）及林智樂（Felix）性格各有不同，私下感情要好，未來一年無論演戲或音樂上他們都想有合作，Felix說：「我性格文靜啲，Archie係氣質書生，Aska陽光大男孩，我哋就好似三葉草。」Archie笑指Felix是甜美可愛，更爆對方感情是「A0」，21歲的Felix即自認拍拖會「沉船」，現時工作為先，到25歲再考慮戀事也不遲。「聲夢」6員難得聚首。「聲夢」6員一起大談戀愛經。問到擇偶要求，他們認為性格比外貌重要，並列出不能接受的缺點。Felix最怕女生數天不洗澡及洗頭，Archie與Aska則異口同聲表示不願溝通的女生最難接受。至於最想收到的聖誕禮物，Felix坦言想要一支私家咪，隨即引起熱烈討論，原來他們對擁有新歌和私家咪同樣熱切，Aska更希望一嘗拍電影滋味，期望在大銀幕看到自己。6人感情要好。齊齊向夢想進發。林智樂（左起）、張馳豪和冼靖峰私下感情不俗。冼靖峰爆林智樂A0。冼靖峰人氣高企。張馳豪派心。張馳豪最緊要「溝」得掂。Felix現時工作為先。Felix自認拍拖會「沉船」。場地：THE SOUTHSIDE
姚焯菲有人追送「豬」得啖笑 鍾柔美詹天文嫌男生冇膽
