唐唐平安夜罕晒張國榮梅艷芳珍貴舊照：芳華絕代組合

唐唐平安夜罕晒張國榮梅艷芳珍貴舊照：芳華絕代組合一代巨星張國榮（哥哥）生前摯愛唐鶴德（唐唐），平時愛用社交網為大眾送上哥哥昔日舊照，有時亦會透露哥哥生前嘅生活點滴等，成為一眾「哥迷」思念偶像嘅集中地。尋晚（24日）係一年一度平安夜，唐唐罕有地上載一張哥哥與已故天后梅艷芳嘅一張舊照，更指合照係二人逾30年前所拍下，極盡珍貴。張國榮梅艷芳30+年前嘅聖誕合照，非常珍貴！唐唐留言：「平安夜 芳華絕代組合祝願大家 平安過聖誕 快樂過一生🎅🎄🌹🌹🍷🍷😘❤️Merry Christmas n Happy New Year 這是我唯一可以分享給大家的 他們在30+年前台下的聖誕合照」合照中哥哥與梅姐企喺聖誕樹前對著鏡頭露出燦爛笑容，兩人盛裝上陣魅力十足，哥哥更攬住梅姐纖腰，並肩而站，一張簡單合照足見二人感情之厚，與好友歡度溫馨佳節。二人感情深厚，依家同為天使守護大家。曾一同歡度溫馨佳節。多得唐鶴德（右）晒出昔日靚相。