台慶頒獎禮︱林景程憑《反黑英雄》爆冷奪「最佳男配角」藝人許紹雄、溫碧霞負責頒發台慶頒獎禮「最佳男配角」獎，二人上台即充滿火藥味，溫碧霞說：「我要多謝一個人，珍姐你喺邊呀？」許紹雄即連環狂窒她謂：「盲都見到啦，唔好掛住講嘢，望吓人先，你老花我畀副眼鏡你喇，同埋今日我哋係嚟頒獎，唔係嚟講自傳。」最佳男配角五強。林景程爆冷。表現愕然。意想不到。表現激動。之後許紹雄宣布賽果亦繼續有驚喜，「最佳男配角」獎項爆冷由林景程憑《反黑英雄》奪得，陷入混亂狀態的他在台上手震又喘氣，並口窒窒說：「完全冇諗過，以前我喺一嚿飯，唔識講對白，好多謝珍姐冇放棄我，擺我喺唔同嘅劇打好根底，多謝鍾澍佳，我唔知點突破，唔係對任何角色都有信心，但係你畀我就有信心，好混亂。」他又多謝天上的媽咪說：「佢好擔心我入呢行會學壞，想同你，我今日拎咗個獎，我過得好好，我應該都冇壞到，希望你會滿意今日嘅我。」而林景程得獎後接受訪問，坦言冇諗過攞獎：「當時好驚，成個人痺晒，唔知發生咩事，啲人不停話我喺你，袁偉豪叫我出去，當時都有猶豫，今次喺第四次提名，但係每次都覺得係陪步。」講到爆冷他直言攞獎受之有愧，覺得未夠好，有很多地方需要改進。演技認可。林景程上台接過獎項。林景程高舉獎座。林景程在後台仍難撩興奮之情。林景程
台慶頒獎禮︱林景程憑《反黑英雄》爆冷奪「最佳男配角」
