台慶頒獎禮︱傅嘉莉勇奪「最佳女配角」 爆喊多謝鍾澍佳無綫《萬千星輝頒獎典禮2024》「最佳女配角」由經典「劇集CP」、少有露面的溫兆倫與邵美琪頒獎，獎項落在入行21年，曾7度入圍的傅嘉莉，憑劇集《反黑英雄》首度奪獎。獎項宣佈一刻傅嘉莉顯得難以置信，並在台上爆喊說：「冇諗過攞到『最佳女配角』，多謝珍姐（曾勵珍）叫我返嚟，想同珍姐講Sorry，我好多嘢唔識，好多謝你同我講咗一句說話：「你唔識講嘢就唔好講嘢，冇新聞好過有新聞，叫我踏實。我近年好低調做好自己，希望用行動證明，唔好令你失望。」對於被指爆冷傅嘉莉則說：「自己好鍾意《黑色月光》嘅翠如、卓娜，入五強已經有交待冇諗過攞獎。」又再三多謝鍾澍佳說：「有段時間想放棄自己，有段時間有抑鬱，多謝佢由黑洞將我拉番出嚟。」最佳女配角五強。傅嘉莉奪獎。激動爆喊。捱出頭！喊晒！久未在香港幕前亮相的溫兆倫與邵美琪（Maggie）甫上台頒獎，即大晒豪情一面，指當年跟Maggie合作拍劇集《我本善良》的英國大宅經已買下，可以請邵美琪來玩，雖不知真假，但他都有向下月生日的Maggie送上兩張金卡片。至於另一位很少在幕前亮相的還有張耀揚，他亦以其經典電影《古惑仔》之角色「烏鴉」來開玩笑，指自己滿頭白髮已變「白鴿」。邵美琪溫兆倫經典CP合體頒獎。溫兆倫與Maggie頒完獎之後在後台受訪，兩人指已經廿年無見，但都有keep住電話聯絡，溫兆倫指兩人都不喜歡說話，性格相近，溫兆倫因知道下月是對方生日，特登買了兩張金牌仔送給對方，對於有傳當年兩人不和，溫兆倫即指：「仲提呢啲，可能當年拍劇劇情我推咗佢落火車，之後可以開番套劇畀Maggie報仇。」傅嘉莉
台慶頒獎禮︱傅嘉莉勇奪「最佳女配角」 爆喊多謝鍾澍佳
