吳若希出席新城團拜 被影帝張家輝「訓話」：唔好成日鬧老公

吳若希出席新城團拜 被影帝張家輝「訓話」：唔好成日鬧老公吳若希（Jinny）今日（6/2）現身黃埔出席《新城廣播乙已年新春團拜》，同場亦有影帝張家輝亮相，將現場氣氛炒熱。Jinny接受《香港01》訪問時表示：「其實可以喺呢個公開場合見到佢，同時又成功𢱑到一張合照，我覺得今年應該幾順利嘅，同埋聽講佢今年會出歌，呢個消息令我係好興奮，佢終於出返歌。」影帝張家輝亦有現身黃埔出席《新城廣播乙已年新春團拜》。Jinny續說：「同埋今年我會記住佢嘅叮囑我，佢叫我唔好成日鬧老公。我就笑住口同佢講我都冇鬧老公，係咪大家對我有咩誤會，其實我係好愛佢㗎，哈哈。其實我同家輝嘅對話過程係好開心，因為家輝哥係一個好風趣幽默嘅人，見到佢真係會心心眼，因為佢嗰種幽默呢個年代係少男仔會有，佢拍笑片又得，拍正經嘢又得，到你同佢分享正經嘅事，佢又會傾到，變咗佢係一個可以啟發你諗嘢模式嘅一個前輩。」吳若希大讚影帝張家輝風趣幽默。（陳順禎攝）吴若希