鄭衍峰二搭佘詩曼仲要扮驚青 忙到假都請唔到藝人鄭衍峰再與女神佘詩曼（阿佘）結劇緣，二人合作拍攝的新劇《正義女神Themis》剛煞青，談到今次拍攝過程，他形容獲益良多。鄭衍峰感激阿佘的照顧與幫忙，且透露﹕「監製鍾澍佳話覺得平日做開主持嘅我太口齒伶俐，所以想畀個挑戰我，叫我扮演一個驚青嘅律政檢控官。（邊場戲比較難忘？）其實好多場戲我角色對住阿佘都做漏功課，要表現出畏懼嘅神情，我要諗番起拍《新聞女王》第一次見到阿佘，大家唔熟嗰種腳震震表現，然後將佢誇大嚟演就可以喇。」雖然劇集已經煞科，但鄭衍峰工作依然浪接浪，今個農曆年先後當上花車巡遊及煙花滙演等盛事司儀。他開心表示﹕「本來想請起碼兩星期假，返加拿大探吓屋企人嘅，但每個禮拜都總有幾日有嘢做，真係行唔開。（搵到盆滿缽滿喎。）又唔好咁講，多謝大家畀機會啫，最開心係連無綫賽馬日開幕司儀都做埋，好似啲歌手想登紅館，我做司儀就想去馬場見識，呢個係一個夢想，依家都算還咗心願喇。」鄭衍峰依家又拍劇又做主持。新劇要扮扮演驚青律政檢控官。忙到咁，想放個大假都唔得。#郑衍峰#
鄭衍峰二搭佘詩曼仲要扮驚青 忙到假都請唔到
