游嘉欣孖黃庭鋒拍情人節宣傳片 望吃雪糕嘗甜無綫小生、小花黃庭鋒及游嘉欣日前為無綫拍攝的情人節宣傳片播出，二人於片中飾演一對甜蜜情侶，齊齊經歷一般情侶拍拖期間遇到的猜疑、冷戰及互相學習的階段，而片中嘉欣更跳上庭鋒的背上，由對方孭着她於街上走，這一幕確是甜蜜非常。現實生活中的庭鋒及嘉欣都同時單身，嘉欣接受東網訪問時坦言：「公司年年節日都會出啲宣傳片，拍得好用心，出嚟效果好好，見好多人話好好睇，又有feel，所以都好開心。」說到快將情人節，她笑言：「如果唔係要拍呢個，我都唔記得就嚟情人節。（咁你打算點樣過？）都係照平常咁過，做吓運動，出吓汗，對我嚟講情人節真係冇咩特別，或者嗰日畀自己食吓雪糕，滋潤一下生活。」再問她會否恨有個男友時，她謂：「冇嘢比工作重要，我依家正處於發展事業嘅年齡。」游嘉欣、黃庭鋒為無綫拍攝情人節宣傳片。兩位都是靚仔靚女。游嘉欣個樣已經夠晒甜。片中有戀人一般的經歷。呢一幕真係sweet到爆。KAYAN游嘉欣黃庭锋
游嘉欣孖黃庭鋒拍情人節宣傳片 望吃雪糕嘗甜
