林峯原來愛好杯中物 酒行員工爆料：二月來了3次藝人林峯出名係圈中「愛妻號」，成日都同張馨月及阿女出巡，不過佢都曾被太太抱怨林峯成日同朋友聚餐或者飲酒，之後就同佢講「你放心」，張馨月就知道佢肯定會遲返屋企。愛好杯中物嘅林峯近日再被酒行員工晒出合照，仲爆料佢係酒行常客，今個月就已經去咗3次。今次仲被酒行員工晒合照。員工分享同林峯嘅合照，並以「2025初見面～峯少！」為題，見林峯全身黑色打扮低調，戴上Cap帽、素顏示人，滿面鬚根又有型。網友見到佢身後嘅酒櫃，上面擺滿名酒，即問酒行員工一年會見偶像幾多次，對方回覆就意外暴露林峯頻密蒲酒行，佢留言：「看時機。 1月見了2次。二月見了3次。」網友都好羨慕對方可以同林峯一齊飲酒，亦有人好奇林峯有冇帶太太去，對方就繼續爆料，話佢同助手嚟，主要係「買威士忌然後喝一下」，公開林峯愛酒嘅一面。原來林峯去得好密，今個月就已經去過3次喇。仲要唔係帶埋老婆去。估唔到男神都有呢一面。#林峯#
林峯原來愛好杯中物 酒行員工爆料：二月來了3次
