陳凱琳馬國衝破恐懼　化身美人魚拎起支咪台上獻Sing

陳凱琳馬國衝破恐懼　化身美人魚拎起支咪台上獻Sing藝人陳凱琳（Grace)日前到馬來西亞出席活動，穿上美人魚閃亮晚裝的她，於台上獻唱2首歌，事後大爆自己「巧驚驚」：「其實我真係好少唱歌，我諗入行咁多年除咗做活動要表演一、兩首之外，都好少機會攞起支咪，平日朋友帶我去唱K，都只會做啦啦隊，坐埋一邊聽大家表演，唔係因為我唔鍾意意唱歌，係因為我有極大恐懼感，I’d feel too self conscious even before I began…」不過，凡事都有第一次，Grace笑言因獲邀請，遂嘗試跳出自己的框架，接受新挑戰：「今次仲係首次對住馬來西亞嘅觀眾『開腔』，真係緊張到爆……最終決定挑戰一首Chinese，一首English，而英文嘅呢一首美人魚主題曲，我真係從來未試過喺台上唱。但係我覺得唔單止歌詞有意義，首歌多少少musical嘅感覺～ok let’s give it a try …」最終反應相當之好，Grace亦很感謝大家的支持，並承諾：「今次唱得可以，咁下次要唱得更好！」即將來會繼續獻唱，熱誠十足。Grace成條美人魚咁。好靚呀！仲要大露背。激罕獻Sing。佢自己都話「巧驚驚」。陈凯琳