張學友廣州騷延期後復唱 未完全康復頂硬上歌神張學友早前因身體不適，將廣州開演唱會延期，前晚學友再度開唱，但他明顯未完全康復，手上拿着手巾仔的他，不時抹鼻水，但學友都相當專業，演出一樣出色，博得全場不少掌聲。期間他於台上謂：「廣州嘅朋友好嗎？我就麻麻哋啦！大家都知上個禮拜取消咗3場演唱會嘅，聽到我依家把聲咁性感，到目前為止我都係大傷風嘅，上個禮拜我係冇聲，咁冇聲點唱呢？好多朋友同我講，你唔好覺得唔好意思，唔使講對唔住，我想講我講對唔住唔係因為我病咗，大家都會病㗎嘛！但因為為大家帶嚟好多麻煩，我都好抱歉，唔好意思呀！」學友指自己向來熱愛表演，沒有得唱可謂「慘過死」：「我把聲返嚟啦！係性感咗啲，今日可能夠唔夠都會有啲痰上嚟，影響我嘅表演，希望大家抱住一個張學友模仿張學友嘅心情嚟睇演唱會，模仿得似大家咪畀啲掌聲囉！咁如果模仿得唔似，咁畢竟今日嘅我都唔係正式嘅張學友嚟，今日我係傷風嘅張學友嚟啫！多謝大家多多包涵。」全場爆笑。張學友巡唱復開。繼續戴住口罩。其聲音明顯未回復狀態。他笑指聲線好性感。不時抹鼻涕。但仍落力獻唱。张学友
張學友廣州騷延期後復唱 未完全康復頂硬上
