陳豪首次拍舞火龍出動無人機　動員二百人大陣仗

陳豪首次拍舞火龍出動無人機　動員二百人大陣仗由視帝陳豪、張曦雯、劉佩玥及馬貫東等主演的無綫新劇《俠醫》正拍攝得如火，眾人日前現身大坑拍攝舞火龍場口，場面盛大。陳豪接受無綫節目訪問，透露入行多年也是首次拍攝舞火龍：「仲要一嚟就舞龍頭添！既興奮又雀躍。」他直言今次是電視史上一個很重要的重頭戲，故特意叫太太陳茵媺帶同小朋友來探班看火龍，笑指他們看得很高興，不捨得離開。《俠醫》復刻大坑舞火龍場面！馬貫東負責舞龍珠。陳豪笑言今次有「精兵二千」。之後陳豪又化身導遊為大家介紹拍攝現場，現場除了演員外，亦包括負責打鼓團隊，可謂陣容鼎盛，故劇組出動了多部攝錄機及無人機進行拍攝，相當大陣仗！陳豪說：「我哋平時出動大約30、40人，今日…我諗精兵二千！哈哈，誇張咗，二百零人度啦，都多㗎。」除了主角火龍，現場亦搭建了不少道具攤檔，為了節省時間，就連導演也有落手幫忙搭建。陳豪透露排練時龍頭未有插香，但到拍攝時插滿香後令龍頭增重不少，不過到正式拍攝時他亦舞得有板有眼，相當專業。至於負責舞龍珠的馬貫東亦表示雖然龍珠相對較輕，但因珠身插滿香燭，故很容易受傷，不過張曦雯則非常大膽，為打卡竟搶走龍珠影靚相。陳豪首次拍攝舞火龍。佢都叫咗陳茵媺帶小朋友嚟探班睇火龍。張曦雯都試上手。相當大陣仗！最緊要出嚟效果夠猛。張曦雯好大膽。陈豪