宣萱批人肉霸車位不要得 古天樂驚訝睇過《尋秦記》片段：佢失憶

宣萱批人肉霸車位不要得 古天樂驚訝睇過《尋秦記》片段：佢失憶宣萱（Jessica）今晚（29/5）現身中環出席汽車品牌活動。Jessica接受《香港01》訪問時表示：「自己好鍾意揸車聽歌，變咗如果我要買車汽車音響係我首要嘅嘢嚟。同埋我而家都仲揸緊棍波車，好多人都覺得我作為女人泊位都好叻。（有冇遇過人肉霸位？）我都遇過，通常我都會走，我唔係夾硬泊入去，因為啲人會話你唔會有好後果，哈哈，咁我就會算，咁你泊啦。（點睇人肉霸車位？）咁梗係唔啱啦，咁都冇辦法啦，人都會打尖啦。（為何唔據理力爭？）唔會啦，以前二十幾歲就會據理力爭，而家唔會啦，有其他位就泊其他位。」Jessica覺得人肉霸車位行為不要得。（陳順禎攝）對於早前古天樂聞她已經看過電影《尋秦記》片段，他感到驚訝：「係咩？佢睇過剪輯版咩？應該冇人睇過。佢應該淨係睇咗少少啫。」Jessica笑言：「其實喺好早期佢哋未拍晒嘅時候，我哋係睇咗少少，我哋一齊開工，係佢叫我睇吓。但係斷吓斷吓咁睇，其實係睇唔到。（佢好驚訝你睇過！）吓，佢失憶呀，佢唔記得俾我睇過，其實係佢俾我睇㗎。可能佢好多嘢做，唔記得咗。」Jessica今日出席汽車品牌活動。（陳順禎攝）宣萱