曼聯訪港引情侶放閃 何廣沛朱敏瀚搵女友玩double dating英超球隊曼聯繼續亞洲之旅，第二站將於今日（30日）假香港大球場鬥港隊，尋日（29日）就先喺大球場進行一課操練，球迷可換飛入場睇閉門練波，原來都吸引唔少圈中人入場一睹男神風采，更引出兩pair情侶玩double dating，齊齊現身兼高調放閃。當中無綫小生何廣沛嘅公關女友Sarah就晒出多張合照，除咗有佢拎住球衣同名將美臣蒙特合照外，更見佢高調晒出同男友、緋聞情侶朱敏瀚及陳曉華、「電燈膽」孔德賢合照。何廣沛喺女友社交網反言：「帶女友去追星成功之夜7️⃣❤️❤️❤️」平時收收埋埋嘅兩Pair情侶，今次公開放閃，一同入場追球星，睇到網友心心眼，完全唔介意佢哋「派糖」，係咁留言嗌幸福！何廣沛帶女友見男神，朱敏瀚都同陳曉華拍拖現身。Sarah同美臣蒙特合照。追星成功。曼聯今晚將對戰港隊。朱敏瀚陈晓华#何广沛#
曼聯訪港引情侶放閃 何廣沛朱敏瀚搵女友玩double dating
