【娛樂熱話】吳若希澳門站演唱會 全新跳唱形象脫胎換骨

【娛樂熱話】吳若希澳門站演唱會 全新跳唱形象脫胎換骨「吳若希《Gossip of Me》演唱會」日前在澳門圓滿完成，全場爆滿，座無虛席。吳若希（Jinny）的家人和粉絲，胡鴻鈞、麥美欣、周奕瑋、朱敏瀚、丁子朗、鄭衍峰、莊思敏、王子涵、丁文俊、陳曉華、戴祖儀和陳楨怡均專程前赴澳門支持她。跳唱環節有驚喜Jinny在6位舞蹈員陪伴下以〈炊煙〉揭開了演唱會的序幕，她在唱過〈暗湧〉和〈半〉後，感性地說：「入行十五年，這是我第一次喺澳門開演唱會，心情又緊張又興奮。喺呢十五年有不少我嘅流言蜚語，工作、感情、家庭，好多好多，今晚我會係舞台上面比大家睇清楚最真實嘅吳若希。」大家最期待，也是Jinny花了最多心血和時間的跳唱環節上，她一口氣又跳又唱了〈召喚絲〉、張惠妹的〈Bad Boy〉和六十年代經典英文歌〈Venus〉，Jinny表示：「 一直以嚟我嘅歌都係劇歌、情歌，今次演唱會發現原來我都可以做一個跳唱歌手，真心要多謝陪我排咗好多日舞嘅排舞老師Apple同我班Dancers，仲有今次演唱會嘅形象設計，令我知道原來我都可以行型格路線。」之後Jinny的多位好友包括麥美恩等給她輪流獻花，讓全場氣氛一下子充滿了愛。詹天文任表演嘉賓作為今次演唱會特別嘉賓的詹天文（Windy）為大家帶來了〈一切都是有原因的〉和〈大雕刻家〉，Windy在台上說：「多謝主辦單位嘅邀請，好開心可以做Jinny姐姐嘅演唱會嘉賓，祝大家端午節快樂，大家食咗糭未？啱啱唱嗰首〈一切都是有原因的〉係我嘅最新派台歌，佢同Jinny 姐姐首新歌都有聯繫，因為兩首歌嘅主題都係『愛』。」 Jinny 再回到台上，獻唱了〈火和火柴〉、〈別再記起〉、〈我沒有傷心〉，之後她的粉絲代表更給她送上生日蛋糕，補祝她33歲生日外，也賀她入行15周年。在唱〈感激跟你能夠遇見〉時，Jinny更一時感觸落淚，最後在全場大合唱下以〈越難越愛〉為演唱會畫上圓滿句號。開show前曾失聲Jinny完show後表示：「開show前有兩三日係失咗聲，所以今日簡值係上天送俾我嘅一份禮物，昨日我把聲終於開返，我終於可以完成成個show嘅表演。多謝好多朋友係唔同嘅地方嚟支持我，我都估唔到今次呢個新主題《Gossip of Me》可以令到大家重新再聚埋一齊，我希望將呢個演唱會帶去更加多嘅地方，希望去內地巡演，希望可以帶到去美加，比多啲人見証到我嘅努力。」她續說：「我俾自己今日跳舞98分，因為我已經盡晒我嘅力，當然我覺得有一啲位同post可以做到更好，不過其實我完全唔知道我頭先跳舞時發生緊咩事，我腦裡面係一片空白，係完全靠自己嘅muscle memory將段舞跳出嚟。我返到後台果陣係唔知自己跳成點，好彩排舞老師話我跳得好好，咁已經係好足夠，交到功課。」Jinny 最後說：「今晚最感動嘅一part就係可以見到同我一齊成長嘅一班朋友，所以係成個show入面有一首歌就係送比每一位我遇見過嘅人，首歌叫做〈感激跟你能夠遇見〉，我唱嗰陣控制唔到眼淚，就係因為有你哋呢班朋友陪住我成長，成就咗我，所以係果一刻忍唔住喊。唱完之後要收拾心情，因為要唱大家最想聽，得一首歌嘅一姐嘅〈越難越愛〉，氣氛超好。」粉絲們也非常重視Jinny今次澳門個唱，特別在尚梯館門外設置應援擺設，讓大家打咭留念。Jinny首次在澳門開演唱會。以暗黑型格形象示人。Jinny為跳唱環節，苦練舞步。Jinny笑指自己個腦在一片空白的情況下完成跳唱環節。舞台特設cat walk台，接近Jinny與觀眾的距離。周奕瑋、麥美恩、丁子朗、戴祖儀、胡鴻鈞等好友特意來澳門撐場。早前與Jinny鬧翻的麥美恩送花給老友，力證二人和好如初。詹天文為Jinny姐姐擔任表演嘉賓。演唱會最後以首本名曲〈越難越愛〉作結。粉絲送上蛋糕及鮮花，補祝Jinny生日。吴若希