欣宜走出心魔玩轉北京上海 來者不拒合照任影任攬藝人鄭欣宜（Joyce）曾傳抑鬱症後停工，早前佢清空社交平台相片及影片，更有指將同環球唱片簽約重新出發，而佢亦密密出街見人被偶遇，上月生日更同圈中好友許廷鏗、鄧小巧、緋聞男友兼髮型師Benjamin等，玩得不亦樂乎。估唔到佢今個慶生活動仲未完，呢幾日先後有網友指喺北京及上海兩地偶遇欣宜，仲全部都有得同佢合照，親民至極。欣宜前幾日先慶生。有知己許廷鏗、緋聞男友Benjamin。有網友先喺前日（1日）於北京一間火鍋店遇上偶像，仲同佢一齊慶祝生日，又拍片同欣宜齊齊唱生日歌又跳又搖，投入度滿分。另外又有網友喺街頭捉實佢面貼面合照，大讚佢皮膚緊緻、狀態十足，真人仲瘦咗好多添。依家仲去到北京玩。欣宜同偶遇嘅粉絲一齊慶生，Sweet。個個都可以合照。到咗尋日（2日），欣宜已經轉戰上海，有網友分別喺豫園及城隍廟等地撞見佢，仲喜提合照好幾張，網友都大讚佢開朗溫柔又美麗，指佢人好又隨和，同女仔合照時仲會出手攬人，攬得二人特別近，令網友心花怒放。另外又有男粉同欣宜拍片，自言緊要到腳震，又祝佢身體健康，氹得欣宜用手掩嘴大笑。睇見欣宜連日狀態大勇，心情靚靚又瘦身成功，似乎復出日子指日可待。一轉身又飛咗上海。網友仲大爆欣宜合照時攬到自己好近。影幾多張都得呀。男粉拍片氹得女神勁開心。佢話自己緊張到腳震。欣宜笑得好甜。郑欣宜
欣宜走出心魔玩轉北京上海 來者不拒合照任影任攬
