郭柏妍食物敏感凌晨急入院 雙眼腫成一線慘遭「毀容」港姐出身的郭柏妍樣靚加仙氣十足，一向獲粉絲力捧為女神，然而她近日竟慘遭「毀容」！她於社交平台上載多張自拍照，只見五官嚴重浮腫，尤其一對大眼突變「一條線」，驟眼看似乎換了臉般，靚女飽受驚嚇凌晨急往醫院求醫，更引起網民熱議！她求診後得悉病緣乃食物敏感所致：「原本我以為食物中毒，依家暫時有大方向估到係咩食物令到敏感，我唔夠半個鐘隻眼腫晒，少少睇唔到嘢，氣管突然間收縮，抖唔到氣，流眼水同流鼻水！sorry嚇親媽媽了，令身邊嘅人擔心了，依家打咗針、食咗藥，如果大家有check過食物敏感嘅話，歡迎話畀我聽邊一間（化驗所）好，麻煩晒。」郭柏妍的情況令不少圈中好友擔心，更忍不住紛紛留言問候，其中胡定欣忍不住問道：「你當日食過咩？」劉溫馨及陳煒祝福：「快啲好番！」而馮盈盈則叮囑她保重及小心身體。能夠有這麼多朋友關懷，相信病榻中的郭柏妍大感溫暖，很快便會回復靚樣同大家見面。郭柏妍本來靚女一名。點知…因食物敏感～病情半小時急速惡化。雙眼腫到變成一線。佢最後報平安。郭柏妍
郭柏妍食物敏感凌晨急入院 雙眼腫成一線慘遭「毀容」
