郭富城攰爆迎明年一家五口父親節 林峯獲「骨女」按摩冧到震昨日（15日）父親節，圈中一眾星爸與子女開心慶祝。當中以天王郭富城一定最開心！城城昨日出席活動時已漏口風暗示方媛佗第三胎，更爆兩個女已「知知哋」。方嫂即Po出一家四口慶祝照，雖然城城樣子有點疲憊，但捧着「爸爸，父親節快樂」的手作仔，一臉父愛滿瀉，迎接明年一家五口過父親節。城城出年一家五口喇！做爸爸要賺錢養家，當然辛苦，林峯就有囡囡錫，老婆張韾月就晒出囡囡幫老竇揼骨的溫馨照，搞到林峯一臉滿足，不知幾爽。而陳凱霖亦晒出鄭嘉穎與3個仔去街市買餸，準備BBQ照片，以慰嘉穎平日的辛勞，陳凱琳留言：「做老竇⋯平時雖然攰啲，不過完全值得，今個父親節，爽呀！嘉穎慶祝父親節。帶埋仔去街市。齊齊BBQ。好開心！有仔萬事足。林峯點解個樣咁爽？原來囡囡幫佢揼骨。古巨基囝囝Kuson更加有心，把心目中超人爸爸形象畫上心意卡，十分有藝術天分，還錫錫爸爸，令基仔冧爆，難怪基仔留言：「陪佢瞓咗先可以睇吓今日嘅相。我諗我要做首歌叫《超人爸爸》喇～人仔細細錫到我咁肉緊，祝所有父母都身體健康！」而初為人父的林德估就晒出三代同堂的溫馨照片，只見葉蒨文抱孫笑到見牙唔見眼，冧到爆！基仔有囝囝錫錫。仲要送上超人爸爸心意卡。大滿足！林德信父女情深。三代同堂呀！郭富城#林峯#
郭富城攰爆迎明年一家五口父親節 林峯獲「骨女」按摩冧到震
