苗僑偉諗嘢樣成網民話題　擘脾坐姿變「步驚雲」

苗僑偉諗嘢樣成網民話題　擘脾坐姿變「步驚雲」80年代的無綫「五虎將」之一苗僑偉最近於街頭被野生捕獲，該網友以「堅尼地偶遇TVB明星苗僑偉」為標題分享照片，相中可見，苗僑偉於大熱天時，穿着長袖外套坐住兩個木箱上，一臉神情嚴肅注視前方，似乎正在醞釀情緒投入角色，而身邊有工作人員為他擔傘擋陽光外，仲有大批工作人員忙於拍攝及打燈，不遠處聚集了大班追星的街坊們。苗僑偉大熱天時着長袖拍劇。有工作人員為佢擔傘擋陽光。剛於6月18日就踏入67歲的苗僑偉，多年來身形、外貌都保持最佳狀態，被指魅力不減當年；至於其「諗嘢」樣亦是網民話題之一，形容他的擘脾的Man爆坐姿，加上眼神銳利及單手托下巴的甫士，感覺似曾相識，有人留言指很有《風雲》電影中的「步驚雲Feel」，不同之處在於由郭富城扮演的「步驚雲」是坐在屋頂兼雙手托下巴作沉思狀，但兩位男神仍然氣場十足，又型又有魅力，一樣是「不老男神」。型到不得了。網友似乎好Like佢個「諗嘢」樣。網友指佢好似《風雲》入面嘅「步驚雲」。