林峯對米蘭情有獨鍾　張振朗街頭Snap出英氣

林峯對米蘭情有獨鍾　張振朗街頭Snap出英氣藝人林峯早前完成演唱會後並未有放慢腳步，近日除推出出道25周年紀念專輯《Go With The Flow》，收錄多首新作及經典重制曲目外，更先後接拍了月餅及地產廣告，賺得銀包腫脹之餘，人氣更是持續上升﹗而前晚他由上海出發飛往米蘭，應時裝品牌之邀準備出席米蘭時裝周活動，出發前林峯先chok爆機場，大擺甫士拍照及視頻，向粉絲報告行蹤。而昨日抵步後，林峯休息後現身時裝騷場地門外，準備入場睇騷，期間吸引大批粉絲圍觀等候，甫見偶像落車忙不迭要求合照及簽名，他一一滿足大家的要求，表現相當貼地親民。一向對穿衣配搭有要求的他，接受時尚記者採訪時大談穿衣之道，認為舒適度及裁剪設計最為重要。據悉，林峯對米蘭這個地方似乎情有獨鍾，過往曾多次被發現於當地出遊，如今舊地重臨，相信公餘時亦會把握機會享受美食及shopping。林峯機場照型到呢。未出發先興奮。一落地即刻搵粉絲，so nice～林峯對米蘭情有獨鍾。另外，視帝張振朗則應另一品牌之邀飛抵米蘭，抵步後他於街頭影靚相，一身西裝打扮英氣十足。事後他於社交平台上載照片，且留寫道﹕「見到啲西裝剪裁超型又Chill，帶點隨性活力，好重生活感，喺街頭着都好自在﹗」張振朗接受東網訪問時被問到是否第一次到米蘭時裝周朝聖時，他開心謂:「係呀！今次係第一次去，非常開心，係品牌方邀請嘅，因為合作咗好多次，其實之前台慶頒獎禮我着嗰套西裝都係佢哋呢個品牌，所以佢哋邀請咗我去，仲同設計師傾咗今季成個系列，了解咗好多，今年好開心，做咗好多唔同嘅第一次。」問他會否逗留當地多幾天時，他謂:「我唔留得呀！因為要返香港準備之後同姚子羚嘅內地音樂會，忙得好開心。」張振朗都去米蘭時裝周。西裝打扮英氣十足。街頭snap，夠型。