譚耀文子女獲讚文武雙全　姚樂怡女兒駁嘴駁舌

譚耀文子女獲讚文武雙全　姚樂怡女兒駁嘴駁舌藝人譚耀文（阿譚）與姚樂怡近日接受HOYTV訪問，宣傳新片《拼命三郎》，阿譚於戲中可以說了「拼了命」，當中不乏打鬥場口，他直言：「因為拍呢套片嘅時候，係疫情差唔多完結嘅時間，其實大家都經歷咗身心疲累嘅兩年幾，所以就將呢一種情緒放入角色裏面，又覺得幾適合喎！而我自己同我角色又有啲似，感覺到有啲中年危機，打戲方面，我係有少少研究嘅！即係例如甄子丹，李小龍係點樣打嘅？冇佢哋咁有型都希望做到一半啦！」除了打戲之外，文戲的演出亦相當激烈，包括多場嗌交的戲份，阿譚亦相當回味：「有幾場我同鄭浩南仲有前妻樂怡嘅嗌交同打交戲，都好激烈，同樂怡嗰場嗌交戲，印象都非常深刻，首先樂怡嘅當時嘅狀態同埋保養都非常好，做對手戲嘅時候感覺好真實，同埋嗰段戲係好有睇頭嘅！」譚耀文和姚樂怡分享為人父母心得。電影中有關兩代關係的討論，而兩人現實中的家庭生活亦引起熱話，阿譚的一對仔女更被譽為文武雙全，阿譚謙稱：「都係各位畀面啫！連學費幾多都要攞埋出嚟講，真係多謝曬！哈哈哈哈！好彩學校嘅校長係外國人，應該唔識睇！」至於樂怡的囡囡現年9歲，她笑言未到反叛期：「係有駁嘴駁舌，但未到夠膽閂房門唔睬你！佢仲係同我一齊瞓覺㗎！仍然享受緊呢種咁親密嘅過程！我自己都好後期先至反叛，我18歲先至可以一個人出街，其實我覺得依家個社會唔同咗，同下一代相處最好好似朋友咁，咁就可以打破咗兩代人嘅溝通。」譚耀文和姚樂怡甚有默契。