黃宗澤片場畀阿佘蝦　鬥嘴戲火花十足

黃宗澤片場畀阿佘蝦　鬥嘴戲火花十足劇集《新聞女王2》近日完成深圳拍攝部分舉行煞科宴，不過原來黃宗澤（Bosco）未煞科，翌日還要開工，扮嬲大嗌：「煞科呀！你哋呀！」阿佘見狀講笑：「佢好嬲呀！安排佢埋尾，佢成日畀我哋蝦，所以佢聽日要開工囉！」Bosco直指拍戲期間被幾個女人欺負。阿佘直言拍第二季感受好深，因為多了個衰人，並用手指向着Bosco，Bosco直認其事，說：「我唔係衰人，係賤人，SNK全部人都畀我鬧過晒咁滯，行過來實遭殃。」《新聞女王2》近日完成深圳拍攝部分舉行煞科宴。不過原來Bosco仲要開工。阿佘笑指Bosco成日畀佢哋蝦，安排佢埋尾。阿佘表示今次與Bosco合作很有火花。兩人有多場鬥嘴戲，令人期待。阿佘表示今次與Bosco合作很有火花，多場鬥嘴戲，相信會好精彩，觀眾可以期待一下。施嬅亦笑說跟Bosco關係不佳，笑言：「一開始就想反佢。」王敏奕大讚他們的鬥嘴場口十分精彩，簡直不能閉目。阿佘覺得今次《新2》會更加精彩，因為大家一埋位已經好入戲。何廣沛就表示看劇本時已感到好震驚，希望觀眾都感到震驚，鄧智堅認為第一輯受歡迎如登上了高峰，第二季將會再攀高峰，而吳業坤估計慶功將會陸續有來。