李佳芯缺席告別作宣傳活動　譚俊彥：我日日都游說緊

李佳芯缺席告別作宣傳活動　譚俊彥：我日日都游說緊藝人譚俊彥、郭柏妍、姜大衛、韋家雄、黃洛妍等在將軍澳電視城宣傳無綫新劇《麻雀樂團》，眾演員齊齊穿上禮服亮相，郭柏妍與黃洛妍更分別以大提琴和小提琴與樂團齊齊現場演奏。不過，已約滿無綫的女主角李佳芯（Ali)則正身在馬來西亞拍攝當地劇集，缺席宣傳活動。譚俊彥演技擔當。譚俊彥講到Ali身在馬來西亞未能為劇集宣傳，他說：「自己知道套劇上，大家都開咗個通訊群組，大家反應都好熱烈。第一個打畀郭柏妍佢開心到喊咗出嚟，第二個就同Ali講，佢都好開心。」他指Ali雖然不在港，但大家一定會看到大家與Ali合體在線上宣傳，又透露明天將會到馬來西亞及新加坡工作，看看能否前往探Ali班，一起線上為劇集宣傳。譚俊彥似模似樣。問到可會落力游說Ali回港宣傳？他笑說：「我日日都游說緊，但係佢真係忙緊，當然佢返嚟梗係會嚟啦，我哋呢家人感情好難分開，因為拍攝期間正值流感高風期，大家都病咗，大家都唔請假病住拍，呢份感情好難被取代。」他又透露爸爸狄龍近日到馬來西亞領取終身成就獎，到時他會驚喜現身給他驚喜。李佳芯在馬來西亞開工。監製羅永賢講到李佳芯缺席宣傳？他表示：「Ali喺馬來西亞拍緊劇，一直同佢有保持聯絡，佢依家雖然返唔到嚟，但都有出post喺線上宣傳，如果佢返到嚟，一定會幫我哋宣傳，盡量爭取，希望佢返到嚟宣傳，甚至慶功就最好。」譚俊彥與李佳芯合作擦出火花。講到劇集缺少Ali宣傳可覺得失色？他說：「當然，但好多時會有，唔好話Ali自由身，就算喺公司都可能有其他工作安排，盡力去做，觀眾會睇到Ali嘅努力。」姜大衛狀態大勇。問到Ali的戲份會否殺刪減？他說：「唔會，有多冇小添，大家睇見宣傳，Ali都係我哋女主角，佢嘅戲咁緊要，我哋點會自斷一臂。同埋大家關係都仲係好好，只係身份唔同咗。」劇集在她離巢不久已經出街，是否無綫善待Ali，他則說：「唔關事嘅，都係睇檔期，暑假合家歡時間好適合呢套劇。」人才濟濟。譚俊彥和李佳芯甚有默契。監製羅永賢一直與李佳芯保持聯絡。