張振朗姚子羚台上組CP　朱敏瀚陳曉華台下拍拖暗撐

張振朗姚子羚台上組CP　朱敏瀚陳曉華台下拍拖暗撐藝人姚子羚與張振朗在劇集《反黑英雄》中組成的CP大受歡迎，兩人昨晚（27日）在廣州舉行《黑白戀曲音樂會》，獻唱多首金曲，期間振朗唱到謝霆鋒的《活著VIVA》時，掀起全場大合唱，氣氛高漲，振朗唱畢後直言：「好熱呀，仲要着皮褸。」子羚即時問他：「使唔使除衫？」台下觀眾起哄叫他「除衫」，振朗佻皮地說：「佢哋叫你除呀，子羚！」除了唱歌外，振朗向觀眾作感性剖白：「企喺台上面可以同大家一齊傾偈一齊去玩，我好覺得原來人，成日話堅持就一定得，我發覺係睇你堅持喺啲乜上面，如果我當日堅持唱歌，我相信我絕對唔可以去到今時今日企喺呢度，所以我希望大家除咗堅持之外，都可以試多唔同嘢，令自己搵到屬於自己嗰Part，而我就搵到，好慶幸地，演戲就係我最鍾意嗰樣嘢。」當他提到家人時卻忍不住哽咽落淚：「我好多謝無論我唱歌定係演戲嘅時候，我嘅屋企人都係無條件去支持我。」有粉絲大叫：「喊得好靚仔呀。」搞到振朗破涕為笑直呼：「黐線！」他稱知道大家都是透過螢光幕去認識他，直言：「其實你哋唔識我，我好想，今晚帶好多我自己嘅過去畀大家聽，今日揀嘅歌都係我自己好鍾意嘅歌曲。」姚子羚與張振朗開CP騷，大成功。張振朗笑指觀眾叫姚子羚「除衫」。姚子羚靚靚。張振朗深情。張振朗提到家人時哽咽落淚。而向來人緣好的振朗獲好位好兄弟捧場，包括周嘉洛、謝東閔、朱敏瀚等，嘉洛還在左手手臂寫了「朗朗」兩個字作支持，他又多謝東閔二話不說讓他到其音樂學校練歌，笑謂：「仲要唔收錢，佢畀密碼我自己入去，你哋想去佢間音樂學校，你又唔知個密碼，你打畀我，隨便入去。」振朗更大爆原來朱敏瀚的緋聞女友陳曉華也在場：「呢個唔知講唔講得，你哋當冇聽過，陳曉華都嚟咗。」謝東閔現身撐。周嘉洛直頭喺手臂寫「朗朗」。張振朗大爆朱敏瀚偷運陳曉華入場一齊撐自己。