黃美棋發長文宣布離巢無綫　剖白心聲：有不開心和失望

黃美棋發長文宣布離巢無綫　剖白心聲：有不開心和失望童星出身的黃美棋小時候已拍過不少電視劇，於《刑事偵緝檔案》系列中獲得不少演出機會，亦曾於周星馳電影《行運一條龍》中出演「小芬女」一角成為熱話，也因此獲得「小芬女」的綽號，到了2003年於電視劇《帝女花》中飾演童年長平公主有頗多的戲份，令觀眾留下深刻印象。黃美棋宣布離巢無綫。黃美棋係童星出身。黃美棋於《刑事偵緝檔案》系列中獲得不少演出機會。黃美棋於《行運一條龍》中出演「小芬女」一角成為熱話。她今日（21日）於社交網發展文宣布離巢無綫，她表示：「等我放個震撼彈先，我要正式離開呢個陪我長大再返嚟追夢嘅地方。」她回憶過往點滴：「仲記得1994年，係呢度拍咗我人生第一套劇集：包青天。以前嘅TVB喺清水灣，大概喺我14歲嘅時候TVB先搬咗嚟將軍澳電視城。HKTV開唔到台之後，我做咗幾年自由身… 但係因為好想拍劇、最後決定返去TVB … 繼續呢個追夢之旅。」她指過去8年間當然有開心和不開心，有期待有等待有失望再期待，而她最大的收穫，是做到幾個她好喜歡的節目，包括有《香港美食一條街》，《大玩特玩》、《玩轉粵北粵東懶人包》、《搶食著數特攻隊》等，並剖白離巢感受並多謝一些重要的人：「其實能夠喺離開前，同家燕姐（薜家燕）有一個旅遊節目係天大嘅恩典。好感恩係咁多年黎每一位用過我嘅監製…導演…所有幕前幕後嘅工作人員，多謝你哋出現係我嘅生命中。」更放閃多謝老公鍾健威（Ray）：「多謝你咁多年頂住我…撐住我…睇住我入TVB，再睇住我返出嚟，陪我度過每一個時刻！」她最後剖白離巢原因：「『外面風大雨大個市又唔好， 留低好啲 喎，起碼有份糧！ 』係嘅… 外面的確係風大雨大（所以希望睇到呢個post嘅PR 朋友們都多多關照小妹，盡情搵我做嘢。）但係我都好明白，如果依家唔走，我驚我再冇勇氣繼續去闖…要有向前嘅勇氣呀，同埋我嘅離開唔代表我放棄演藝嘅路，我更珍惜所有嘅機會～同埋有更多天大嘅空間去創作。最後多謝公司呢8年嚟畀我嘅所有機會，我拍咗條散水片㗎，過兩日有得睇。」黃美棋指過去8年間做到幾個好喜歡的節目。黃美棋分享過往拍攝點滴。黃美棋指過去8年間當然有開心和不開心。黃美棋覺得喺離巢前同薜家燕（左2）合作係天大嘅恩典。黃美棋多謝老公鍾健威多年來一直支持佢。