聲秀︱蘇永康組獲最高分　趙一霖被淘汰爆喊

聲秀︱蘇永康組獲最高分　趙一霖被淘汰爆喊無綫歌唱選秀節目《聲秀》昨晚（24日）播出的第五集，焦點落在不約而同選擇以鋼琴演奏助攻的兩個組合：蘇永康組的胡子貝（Matt）與馮熙燮（Ryan），及譚耀文組的蕭凱恩（Michelle）與胡港豐（Andrew），蘇永康組更唱出了今集最高分數82分。被封為「最強學員」的Ryan「女歌男唱」重新演繹《趁你旅行時搬走》，與泳兒組齊齊獲得今集最高分82分。當中負責彈琴助攻的Matt，本身坐擁10級鋼琴資格，二人排練時已經勁合拍，Ryan感激說：「我內心想要嘅嘢，佢一次就Get到。」Matt則大讚Ryan 100分：「我覺得他是一個很好的隊友，並且是出色的歌者。」而Ryan亦獲評審郭偉亮（Eric Kwok）大讚：「好欣賞佢喺比賽上面做到In the song，係一件好難得嘅事。」又大讚Ryan與Matt很夾。蘇永康對此十分感動：「其實我呢幾個星期好感動，大家喺競爭當中，但仍然係對彼此有信任，係好難得嘅一件事…我睇見你哋我好開心，好似重拾番自己嘅細個。」譚耀文組則派出考獲了英國倫敦聖三一音樂學院的LTCL鋼琴和聲樂文憑、亦是香港中文大學音樂系首位視障畢業生的Michelle，為Andrew演唱的《笑忘書》伴奏鋼琴兼和音助攻。由於Michelle天生擁有超級靚聲，Eric Kwok聽後大讚和音「好Solid！」陳奐仁（Hanjin）也給予正評：「Andrew把聲好好聽，後半節唱得好好。」導師譚耀文對組員的表現亦讚不絕口：「100分！我哋喺最低分嘅時間，你哋都能夠保持到咁冷靜嘅演出，對我嚟講已經係做到最好。」最終該組獲得76分、成功谷底翻身全員晉級，譚耀文得知結果後激動落下男兒淚：「佢哋真係好努力，我真係好擔心、真係好擔心，尤其是Michelle好勇敢去挑戰自己，挑戰唱一啲自己唔擅長嘅歌，多謝佢好信任我。」今集有3位學員遺憾止步，分別是鍾舒漫組的張欣翹（Luna）、吳浩康組的趙一霖（阿霖），及劉浩龍組的鄧偉謙（Theodre），淘汰的重任落在5位評審手上，阿霖被淘汰時內疚爆喊，吳浩康亦忍不住流下男兒淚，他安慰和一霖：「你今天的分數是你今天的分數，代表你今天的表現，不代表你的人生，我只係想你繼續唱歌咋，可以嗎？」導師鍾舒漫亦眼濕濕安慰被淘汰的Luna：「睇到你真係好用心、我好希望將來可以喺台上見到呢個你，因為你係好有Potential。」胡子貝與馮熙燮唱出了今集最高分數82分。蘇永康十分感動。蕭凱恩鋼琴演奏助攻。譚耀文組的蕭凱恩與胡港豐成功晉級。譚耀文得知結果後激動落下男兒淚。趙一霖被淘汰爆喊。吳浩康忍不住流下男兒。攬攬先！鍾舒漫亦眼濕濕。