草蜢4月「出戰」紅館　蔡一傑推新歌寓意歌迷風山水起

草蜢4月「出戰」紅館　蔡一傑推新歌寓意歌迷風山水起男團草蜢成員蔡一傑去年接受腦部手術，原定世界巡迴演唱會因此被叫停。近日隨着其康復進度理想，巡唱積極啟動並已落實明年4月「出戰」紅館，更會乘趁推出全新專輯。傑仔為配合新歌《老的辣》將推出「老的辣撈麵」，寓意歌迷撈到風山水起，兼身體健康。草蜢4月「出戰」紅館。蔡一智表示：「今次『Re ：GRASSHOPPER演唱會』真係同『Re 』呢個字好有緣份，喺傑仔Recover（康復）後再Restart（重啟），我哋會將呢個演唱會帶去新加坡、澳門、馬來西亞、廣州等地，同大家一齊Reunion（重聚）。我哋亦都會將好多草蜢經典歌曲Rearrange（重編），希望帶俾大家耳目一新嘅感覺！」他更以「打邊爐」來形容演唱會重啟：「你打過一次邊爐，點會唔打第二次？食第二次會有唔同感覺。」蘇志威即補充：「因為會有新菜式！」阿智再補充：「今次呢鍋邊爐就加咗辣，蔡一傑寫咗首新歌《老的辣》，所謂『薑是老的辣』，有唔同食法，所以即使之前睇過都可以再睇，因為係不一樣！」蔡一傑推新歌。傑仔打趣不單有得睇，更有得食﹕「我對『傑少煮意』（他的網上烹飪節目）嘅支持者講聲對唔住，我差唔多接近兩年冇上新片，首先係咁做巡迴演唱會，後來我要做手術，所以今次推出『老的辣麵』希望大家包涵包涵！」而草蜢下月初的中秋節先參與廣州舉行一連三日「超級草莓音樂節2025」其中一場演出，並預告將勁歌熱舞接近一個小時，蔡一智表示會帶月餅、茶和應節食品一齊去做騷。蔡一智如箭在弦。蘇志威狀態大勇。蔡一傑去年接受腦部手術。