蕭哈哈學爬行超萌樣激似黃翠如 蕭正楠肉緊抱住囝囝不捨放手Edwin Siu 蕭正楠 同 黃翠如 Priscilla Wong 今年3月誕下囝囝蕭哈哈後，兩夫妻視兒子如珠如寶，哈哈嘅超萌樣曝光後，全城都大讚好cute好得意，個個都想抱抱哈哈一親佢嘅BB味，身為父母就更係疼愛有加啦。話咁快哈哈已經接近半歲，呢個階段開始牙牙學語，又會試圖爬行，媽媽翠如就忙住捕捉到BB珍貴一刻，並上載到限時動態上同大家分享。相中所見，滿身肉肉嘅哈哈趴喺地墊上，媽媽喺相中寫道：「好努力想爬行的洋蔥哈，第一次着紅色。」另一張相就應該係哈哈幾經努力學有所成咁坐喺地上，翠如指「喺爸B飛之前我好似學識咗。」明示哈哈成功學爬行，畫面對父母嚟講確係無比珍貴。之後阿蕭就緊緊抱住哈哈愛不惜手表示：「你要乖乖，照顧好媽媽，我工作完就返嚟同你玩。」最最最重點係哈哈嘅超得意眼仔碌碌萌爆cute樣，完全搶去阿蕭風頭成為主角，連翠如都忍唔住要大讚可愛到爆炸（我講緊哈哈），好多圈中好友都話哈哈嘅眼神同媽媽一模一樣咁精靈。話晒哈哈都仲係嬰兒階段，不過爸爸阿蕭為咗搵粉錢，早前先後迫不得已要離家外闖工作，好似早喺兩星期前，阿蕭先啱啱孖黎耀祥同曹永廉去完澳洲拍攝節目返港，愛子心切嘅阿蕭人在澳洲仍心擊香港，仲買咗好多小手信俾哈哈。萧正楠
蕭哈哈學爬行超萌樣激似黃翠如 蕭正楠肉緊抱住囝囝不捨放手
