何依婷擔正做秘書　馬國明林夏薇事隔7年再合作

視帝馬國明、林夏薇、黃嘉樂、張頴康、張達倫、丁子朗及何依婷等將於本月尾開拍無綫新劇《法言人》，此劇主角由四人擔當，分別為馬國明、林夏薇、黃嘉樂及張頴康。

經常被指似韓劇《金秘書為何那樣》朴敏英演的何依婷今次就化身靚秘書，她接受東網訪問時表示：「我角色係一個好溫柔、善良嘅女仔嚟！但又好多唔好嘅嘢發生，所以情感戲比較多。」說到她每次演的角色都好慘情，她笑言：「可能我個人比較悲劇，監製都覺得我好適合。（好多喊戲？）暫時都未知，呢個女仔雖然有好多嘢發生，但係佢性格好開朗，所以未知係咪要全程喊得好犀利，收到劇本再睇吓先。」

在劇中，她是律師樓中的「眾人」秘書，她笑言：「好多人之前都話我似金秘書，今次真係可以做秘書喇！（好似朴敏英咁多靚衫着？）雖然佢係一個悲劇秘書，但都多靚衫着，都係一個靚秘書嚟嘅！」而她與丁子朗於劇中有不少對手戲，二人是首次合作，丁子朗謂：「我之前有偷睇何依婷喺《十月初五的月光》嘅拍攝花絮，覺得佢做得好好，所以都好期待。」