(續)
馬國明於劇中飾演一名八面玲瓏的「金牌師爺」，專幫公司接生意，不過現時正忙於拍攝另一套劇《隱形戰隊》的他，未有時間看劇本。說到7年後再與夏薇合作，馬國明說：「其實《寒山潛龍》我同佢都好少對手戲，所以今次好期待，因為做演員間唔中換吓對手係一件好事嚟，至於嘉樂同張頴康都好熟，《回到三國》、《BB大晒》張頴康啲演技真係愈嚟愈好，嘉樂之前有幾部戲我都有睇，佢做得好好，而我同達倫啲對立戲都好期待，套劇話11月要開，但《隱形戰隊》我都要拍到12月，好多嘢都未知。」
而同樣飾演律師的夏薇表示最近開始睇劇本做功課，她更謂：「呢個角色係之前未試過但又一直好想嘗試嘅，會睇好多關於律師題材嘅電影、劇集，今次係我同馬明好多對手戲，希望有唔同火花。」
