不少人覺得MIRROR有今天的成就，經理人黃慧君（花姐）是功臣之一。之不過原來早於20年前，商台DJ少爺占和Donald組成的「艾粒」就有跟花姐合作過！
他們分別於社交平台，貼出當年合作的片段，片中花姐外表、打扮及舉止與現時變化不大，惟當時身形較瘦，現時則發福不少。少爺占寫道：「二十年前佢叫過我入偶像男團，本來我想入，但係因為我唔記得簽家長回條，所以白白錯失咗機會。之後我就組成咗艾粒。」
Donald亦說：「睇番艾粒以前啲片驚現花姐，係咪就係傳說中『阿花仲做女嗰陣已經識』。」MIRROR副隊長AK（江𤒹生）也留言：「OMG 我好鍾意呢個系列，點解無睇過呢個？」、「點解我會無睇過呢集？」
