女子組合Super Girls成員蔡明思（Jessica）、陳穎欣（Yanny）出席活動，早前宣布有喜的Jessica目前佗B 5個多月，已經見肚，但照樣穿上4吋高跟鞋。她預告明年四月預產期，但是未透露BB性別，並指Yanny比自己媽媽更早知道。
不過Yanny回應媒體提問時，不慎口快快爆了BB性別：「我會當佢個女好似我個女咁樣。」Yanny講完仍未察覺自己爆響口，被記者取笑時才醒覺，隨即轉身忍不住喊。Jessica見狀即送上安慰，Yanny眼紅紅一臉內疚：「我願意為你做任何事，我真係好蠢，頭先一直提醒自己唔好講，點知最後都係講咗！」
