楊茜堯（楊怡）和羅子溢（羅仲謙）去年誕下囡囡「小珍珠」後，兩人一直想追多個仔，湊成「好」字。日前終有好消息，楊茜堯已入院誕下兒子，「小珍珠」榮升做家姐。
星期四羅子溢今日在社交網上載全家福，相中的他抱住大女「小珍珠」羅翊心，細仔就由楊茜堯抱住，畫面非常溫馨，他說︰「連日嚟收到大家嘅訊息，感謝大家嘅祝福！作為丈夫，好感激太太嘅付出，懷孕期間太太同時要照顧心心，又要打理各方面嘅事情，要好感激太太嘅一切一切。」
他又表示：「當細佬出世嘅時候，睇到心心有微妙嘅轉變，感覺佢突然長大，可能感受到自己係姐姐，睇到佢主動摸細佬、錫細佬，我同太太都好感動，作為父母最大心願都係希望自己嘅小朋友能快樂、健康成長！」
