林盛斌可說是娛樂圈中的「金牌媒人」，最近成功撮合張秀文及「皮草太子爺」王大業堂弟、金融才俊王大權！
—
星期四二人已行禮，正式成為王生王太，林盛斌就在社交平台，貼出到教堂見證張秀文出嫁的照片，簡單留言祝賀：「又搞掂一單！恭喜恭喜！」陳敏之及張名雅則以「拍掌」emoji道賀。
他受訪時表示，見到有情人終成眷屬感開心：「主持人開咪叫我上去單獨同佢哋影，突然之間覺得自己地位好崇高……仲有新郎哥實在太客氣，我都俾佢嚇一嚇，無啦啦塞咗封利是我，我話唔使搞呢啲嘢，推推拉拉咗一輪，佢話一定要收，啲賓客又喺度望住，搞到好鬼尷尬。總之衷心祝福佢哋幸福快樂，快快脆脆生幾個小朋友啦！」
TVB官方微博：#娛樂新聞台# 準新娘張秀文公開求婚經過
娛圈有喜事，女神#張秀文# 嫁人啦！張秀文回覆《娛樂新聞台》嘅語音訊息，內容雖然係詳述整個求婚過程，但實際係大讚未來老公Billy嘅人品及興趣都好好，而最重要係新娘子覺得同佢一齊好有安全感呀！總之令人好羨慕啦！Sammi又感謝媒人公阿Bo — TVB官方微博
