J2台創意總監C君（鄭詩君）與農夫拍檔陸永、林盛斌（Bob）及麥美恩主持的J2特備節目《各位觀眾4條傾》，最近一集有爆料，大談頒獎禮的奇聞趣事。
C君表示，林盛斌一向重視大合照企位，爆料指阿Bob曾說：「呢個已經唔認得個樣呀啦，仲戴咩黑超…」。陸永笑指Bob有本「小氣簿」，會記低戴黑超藝人，C君更扮Bob當時表情：「哦，原來呢個叫XXX！」雖然製作組已消音，但鏡頭影住C君大頭，口形清晰可見，該男歌手疑似是伍富橋。
農夫又爆料說，有年於頒獎禮上影大合照時，有人擅自調位，即使被場務鬧，亦由第6行慢慢地走到去第4行，最後更站在陳奕迅隔籬！
