何雁詩與鄭俊弘（Fred）2020年拉埋天窗，並於去年11月補擺喜酒，當時何雁詩已屢傳懷孕，二人亦不時直言恨生B！今日（13日）何雁詩終於發長文公布大肚喜訊，仲自爆BB仔男仔，預產期為今年6月中！
何雁詩冧爆宣布佗緊「虎年BB」，指一知道自己懷孕後，與老公Fred都勁興奮，而Fred都同步更新社交網，公布喜訊，大談自己做老竇的心情，指自己都要小心照顧老婆，仲自爆情緒好似暴風一樣，開心、興奮、擔心、恐懼咩都有，不過一切都會聽天由命。
二人前日（11日）忽然晒出合唱片，並賣關子要唱歌畀「Dear Little One」！
