單立文、呂慧儀、周嘉洛等出席《愛‧回家之開心速遞》的新春宣傳活動，早前被傳因遲大到而被調離劇組的張景淳未有現身，反而因要拍攝《痞子殿下》、《四十二章經》而暫別多時的周嘉洛，終於回歸劇組。
呂慧儀為張景淳解釋：「佢嗰日冇遲到，但我唔可以代佢答，可能一個傳一個講到咁嚴重。」她理解有時會有緊要事導致遲到，希望大家守紀律，互相幫忙，以免影響劇組進度。
單立文則話中有話，似暗示有人確實遲到：「都拍咗5年，紀律好緊要，珍姐（曾勵珍）成日講，唔能夠一個人犯錯而影響成個劇組，所以我係好認同。我成日都聽前輩講，準時係基本嘢，我入晒腦，唔好咁多藉口，如果真係有事，就打返嚟交代一聲！」
