曾有「浸大咪神」之稱的「𡃁模」楊梓瑤（Carol，現名為楊焉）淡出娛樂圈後轉型做瑜伽教練，年前更創業開設瑜伽教室。可是本港爆發第五波新冠肺炎疫情，政府收緊防疫措施，早前已將體育館、運動場、健身中心、泳池等體育運動設施關閉，其瑜伽教室亦受影響。
她於社交平台透露，希望與業主商討「遲少少先交租」 ，遭對方拒絕，指政府有資助並要求尊重合約精神：「交唔到租都無理由要業主suffer㗎，上頭無指示會減租，如果你唔交租我哋會睇吓legal嗰邊有咩行動！」其後更cut線。
她留言道：「有頭髮邊個想做癩痢？上手業主起碼都肯減管理費，雖然唔係多但管理費成$8000。轉咗新業主成幢大廈買咗，員工都唔同晒。其實都唔係叫你免租，都係想你幫幫手同業主反映睇吓可唔可以減租，你話可以幫我問一問上頭，其實我都收貨。如果市道好返大家真係要小心咁揀業主。」
