王祖藍去年應曾志偉邀請出任TVB首席創意官，近日有傳因為主理的節目收視不理想、為鍾嘉欣爭視后一事與TVB高層樂易玲及曾勵珍鬧翻等，傳出他拉隊帶約滿藝人北上發展。
鄧兆尊是「當事人」曾勵珍的好友，他日前出席一個網上節目，力撐好友：「佢顧及好多演員，屋企有咩問題有咩事呢，就捉佢哋入《愛‧回家》，《愛‧回家》係長期出糧嘅地方，同普通演員差好遠，起碼差3倍價錢。」
之後鄧兆尊又爆料，指王祖藍不滿的是J2台節目創意總監C君：「祖藍就係創意官，呢度（TVB）交由佢哋自己搞，所以咪多咗個肥仔，C君嚟幫手，但做嘢唔得，咁祖藍好似有不滿囉，呢個係幕後啲人同我講。」
他又指開電視會有一個Game Show，是「掟錢騷」︰「我sell過㗎，我話『TVB，你出10分9，我出10分1，搞個大型嘅金錢game show，一個禮拜做3日啫，每一集派50萬』，收視率一定日日掂住40點！為香港市民謀福利，你唯一想救個台嘅方法就係與市民同在，好簡單，體恤民情。」
