去年ViuTV舉辦《最後一屆口罩小姐選舉》，不過疫情仍未完結，第五波爆發後，每日都有逾萬人確診，更要由一個口罩進化到用兩個口罩！因此ViuTV就宣布，舉辦《尾二一屆口罩小姐選舉》！
ViuTV找來ERROR的何啟華（Dee）、郭嘉駿（193）、吳保錡，以及浩南、「除罩最靚獎」得主羅允芝（三小辣）及「網上人氣王」得主米露迪拍攝宣傳片，又表示：「BTW，又話係最後一屆？係呀！所以咪褪返有尾二一屆囉！COME ON！兩個口罩都擋唔住你嘅靚呀！」
片中阿Dee遲到，令193「不滿」︰「阿Dee成日遲到，公司都仲未炒佢。唔通佢係金生嘅私生子？定係魯生？定係花姐？定係花姐同金生呢？」阿Dee現身時反而取笑他們早到，是因為沒工作！
